Il Sursilvan egl jester

O cara Surselva, pompusa spel Rhein,
Splendida contrada cun tschiel schi serein!
Vid tei, o Surselva, pertratg’ jeu tudi,
Per tei ein bia larmas rocladas a mi!

Stei bein, flurs strieuna, vus pézs ed uauls,
Vus neivs e valettas, vus gondas ed aults,
Stei bein vus montognas, vus liberas valls,
Vus crests e collinas cun mirs de castials!

Stai bein, o Surselva, ti pievel roman,
Fideivels er’ sundel a vus da lontan!
Miu pievel, jeu sentel, jeu sun da tiu seun:
A ti auda semper miu cor e miu meun!

(Alfons Tuor)